ന്യൂഡല്ഹി: ലോക്സഭാ തെരഞ്ഞെടുപ്പിന്റെ ആദ്യഘട്ട വോട്ടെടുപ്പ് പുരോഗമിക്കുന്നു. 21 സംസ്ഥാനങ്ങളിലും കേന്ദ്ര ഭരണപ്രദേശങ്ങളിലുമായി 102 മണ്ഡലങ്ങളിലേക്കുള്ള തെരഞ്ഞെടുപ്പാണ് നടക്കുന്നത്.
രാവിലെ 11 വരെ ഏറ്റവും ഉയര്ന്ന പോളിംഗ് രേഖപ്പെടുത്തിയത് ത്രിപുരയിലാണ്. 53.04 ശതമാനം പോളിംഗാണ് സംസ്ഥാനത്ത് രേഖപ്പെടുത്തിയത്. ഏറ്റവും കുറവ് പോളിംഗ് രേഖപ്പെടുത്തിയത് ലക്ഷദ്വീപിലാണ്. 29.11 ആണ് ലക്ഷദ്വീപിലെ പോളിംഗ് ശതമാനം.
മഹാരാഷ്ട്ര(32.36), തമിഴ്നാട്(30), ആന്ഡമാന് നിക്കോബാര്(35.7), അരുണാചല് പ്രദേശ്(34.99), ആസാം(45.12), ഛത്തീസ്ഗഡ്(42.57), ജമ്മു കാഷ്മീര്(43.11), മണിപ്പുര്(45.68), മേഘാലയ(48.91) മിസോറാം(36.67) നാഗാലാന്ഡ്(38.83) പുതുച്ചേരി(44.95) രാജസ്ഥാന്(33.73) സിക്കിം(36.82) തമിഴ്നാട്(39.43), യുപി(36.96) ഉത്തരാഖണ്ഡ്(37.33) പശ്ചിമ ബംഗാള്(50.96) ബിഹാര്(32.41) എന്നിങ്ങനെയാണ് പോളിംഗ് ശതമാനം.
വോട്ടെടുപ്പിനിടെ ബംഗാളിലും മണിപ്പൂരിലും സംഘര്ഷമുണ്ടായി. അതീവ സുരക്ഷയില് വോട്ടെടുപ്പ് പുരോഗമിക്കുന്നതിനിടെയാണ് മണിപ്പുരില് സംഘര്ഷമുണ്ടായത്.