തിരുവനന്തപുരം: തലസ്ഥാനത്ത് നിയന്ത്രണംവിട്ട ബൈക്ക് പോസ്റ്റിലിടിച്ച് 19കാരൻ മരിച്ചു. പെരുങ്ങുഴി പൊന്നുകൂട്ടി വിളാകം സ്വദേശി ഇന്ദ്രജിത്ത് ആണ് മരിച്ചത്.
ഞായറാഴ്ച രാത്രി 12ന് മംഗലപുരം ശാസ്തവട്ടത്താണ് അപകടം. അമിതവേഗത്തിലെത്തിയ ബൈക്ക് ആദ്യം മതിലിലും പിന്നീട് പോസ്റ്റിലും ഇടിച്ചു മറിയുകയായിരുന്നു.ഗുരുതരപരിക്കേറ്റ ഇന്ദ്രജിത്തിനെ ഉടൻ മെഡിക്കൽ കോളജിലെത്തിച്ചെങ്കിലും മരണം സംഭവിക്കുകയായിരുന്നു. സംഭവത്തിൽ മംഗലപുരം പോലീസ് കേസെടുത്തു.