പത്തനംതിട്ട :നിങ്ങൾ വോട്ട് ചെയ്യുന്നത് ഇന്ത്യയുടെ ജനാധിപത്യത്തെയും ഭരണഘടനയെയും നീതിയെ ഉയർത്തിപ്പിടിക്കുന്ന സ്ഥാപനങ്ങളെയും സംരക്ഷിക്കാനാണ്.:പ്രിയങ്ക ഗാന്ധി . സ്ത്രീകൾക്കെതിരായ അതിക്രമങ്ങൾ ഉണ്ടാകുമ്പോൾ, കേന്ദ്രത്തിലെ ബിജെപി സർക്കാർ മാത്രമല്ല, സംസ്ഥാന സർക്കാരും കുറ്റവാളികളെ ശിക്ഷിക്കുന്നതിന് പകരം സംരക്ഷിക്കുന്നു. കേരളത്തിൽ വാളയാറിലും വണ്ടിപ്പെരിയാറിലും ഇത്തരം കേസുകൾ കണ്ടു..നിങ്ങൾ വോട്ട് ചെയ്യുന്നത് ആന്റോ ആൻ്റണിക്ക് വേണ്ടിയും കോൺഗ്രസ് പാർട്ടിക്ക് വേണ്ടിയും മാത്രമല്ല നിങ്ങൾ വോട്ട് ചെയ്യുന്നത് ഇന്ത്യയുടെ ജനാധിപത്യത്തെയും ഭരണഘടനയെയും നീതിയെ ഉയർത്തിപ്പിടിക്കുന്ന സ്ഥാപനങ്ങളെയും സംരക്ഷിക്കാനാണ്.
നിങ്ങൾക്ക് പ്രാധാന്യമുള്ള വിഷയങ്ങളിലേക്ക് ഇന്ത്യൻ രാഷ്ട്രീയത്തിൻ്റെ ശ്രദ്ധ തിരിച്ചുവിടേണ്ടതുണ്ട്. നിങ്ങൾ കഠിനമായ ചോദ്യങ്ങൾ ചോദിക്കുകയും ഉത്തരം നൽകാൻ രാഷ്ട്രീയക്കാരെ നിർബന്ധിക്കുകയും വേണം മണിപ്പൂരിൽ ഒരു സൈനികൻ്റെ ഭാര്യയെ പീഡിപ്പിക്കുകയും പരേഡ് നടത്തുകയും ചെയ്തപ്പോൾ രാജ്യം മുഴുവൻ നോക്കിനിൽക്കെ, കേന്ദ്രം ഭരിക്കുന്ന ബിജെപി സർക്കാർ അവർക്കെതിരെ മുഖം തിരിച്ചു.ബിൽക്കീസ് ബാനോയെ ബലാത്സംഗം ചെയ്തവരെ മോചിപ്പിച്ച് ബിജെപി പ്രവർത്തകർ മാലയിട്ട് സ്വീകരിച്ചു.ഹത്രാസിലും ഉന്നാവോയിലും ബലാത്സംഗവും കൊലപാതകവും നടത്തിയവരെ ബിജെപി സംരക്ഷിച്ചു.നമ്മുടെ വനിതാ ഗുസ്തിക്കാർ പീഡനത്തിനെതിരെ പ്രതിഷേധിച്ചപ്പോൾ അവരുടെ ശബ്ദം കേൾക്കാതെ പോയി.മുഖ്യമന്ത്രി പിണറായി വിജയനെതിരെ രൂക്ഷ വിമർശനവുമായി എഐസിസി ജനറൽ സെക്രട്ടറി പ്രിയങ്ക ഗാന്ധി. കേരള മുഖ്യമന്ത്രി ഒത്തു കളിക്കുന്ന ആളാണ്. പിണറായിക്ക് ബിജെപിയുമായി ഒത്തുതീർപ്പ് രാഷ്ട്രീയമാണുള്ളതെന്നും പ്രിയങ്ക പറഞ്ഞു.പത്തനംതിട്ടയിൽ ആന്റോ ആന്‍റണിയുടെ തെരഞ്ഞെടുപ്പ് യോഗത്തിൽ പ്രസംഗിക്കുകയായിരുന്നു പ്രിയങ്ക ഗാന്ധി. രാജ്യം മുഴുവൻ സഞ്ചരിച്ചു ജനങ്ങൾക്ക് വേണ്ടി സംസാരിക്കുന്ന രാഹുൽ ഗാന്ധിക്ക് എതിരെയാണ് പിണറായി എപ്പോഴും സംസാരിക്കുന്നത്.ഒട്ടേറെ അഴിമതി ആരോപണം വന്നിട്ടും ഇതുവരെ മുഖ്യമന്ത്രിയെ ചോദ്യം ചെയ്തിട്ടില്ല. കുഴൽപ്പണ കേസിൽ ഉൾപ്പെട്ട ബിജെപി സംസ്ഥാന അധ്യക്ഷൻ കെ.സുരേന്ദ്രനെ പിണറായി തൊട്ടില്ലെന്നും പ്രിയങ്ക പറഞ്ഞു.പത്തനംതിട്ട പാർലിമെന്റ് മണ്ഡലം സ്ഥാനാർഥി ആന്റോ ആന്റണി ,പി ജെ കുര്യൻ , കെ മോഹൻകുമാർ ,കെ പി സി സി ജനറൽ സെക്രട്ടറിമാരായ അഡ്വ പി എ സലിം ,പഴകുളം മധു , യൂത്ത് കോൺഗ്രസ്സ് സംസ്ഥാന പ്രസിഡന്റ് രാഹുൽ മാങ്കൂട്ടം എന്നിവരുൾപ്പെടെയുള്ള നേതാക്കളും വൻ ജനസമൂഹവും പങ്കെടുത്തു .
