പൊന്‍കുന്നം: പൊന്‍കുന്നം-പാലാ റോഡില്‍ അട്ടിക്കലിന്‌ സമീപം വാഹനാപകടത്തില്‍ വഴിയാത്രക്കാരനായ പച്ചക്കറി വ്യാപാരി മരിച്ചു. പൊന്‍കുന്നം ടൗണിലെ ബെസ്റ്റ്‌ വെജിറ്റബിള്‍സ്‌ ഉടമ പൊന്‍കുന്നം നളത്തില്‍ സി. രവീന്ദ്രന്‍ (ജോണ്‍ ബോസ്‌-52) ആണ്‌ മരിച്ചത്‌. ഇന്നലെ രാവിലെ 7.30ന് അട്ടിക്കലിന്‌ സമീപം പഴയ ആര്‍ടി ഓഫീസ്‌ പരിസരത്തായിരുന്നു അപകടം.
നിയന്ത്രണം വിട്ടെത്തിയ മിനി ലോറി ഒരു ബൈക്കിലും സ്‌കൂട്ടറിലും ഇടിച്ചു. ഇതിനിടയില്‍ മിനി ലോറി രവീന്ദ്രനെയും ഇടിച്ചുതെറിപ്പിച്ചു. കട തുറക്കാനായി പൊന്‍കുന്നത്തേക്ക്‌ നടന്നുപോകുകയായിരുന്നു രവീന്ദ്രന്‍.ബൈക്ക്‌ യാത്രികന്‍ ഇളങ്ങുളം കൂരാലി കുമാരമംഗലത്ത്‌ കെ.എസ്‌. ബിജുമോന്‍ (51), സ്‌കൂട്ടര്‍ യാത്രികന്‍ മുണ്ടക്കയം കരിനിലം ചെറുപിളാവത്ത്‌ മണികണ്‌ഠന്‍ (50) എന്നിവരെ പരിക്കുകളോടെ കാഞ്ഞിരപ്പള്ളി ജനറല്‍ ആശുപത്രിയില്‍ പ്രവേശിപ്പിച്ചു. അപകടത്തിനിടയാക്കിയ മിനി ലോറി പൊന്‍കുന്നം പോലീസ്‌ കസ്‌റ്റഡിയിലെടുത്തു.
കണ്ണിമല കുളങ്ങര കുടുംബാംഗം റീനയാണ്‌ രവീന്ദ്രന്‍റെ ഭാര്യ. മക്കള്‍: ഏയ്‌ഞ്ചല്‍ (വിദ്യാര്‍ഥിനി, കിറ്റ്‌സ്‌ എന്‍ജിനീയറിംഗ് കോളജ്‌, ചെങ്ങളം, പള്ളിക്കത്തോട്‌), അന്ന (എട്ടാംക്ലാസ്‌ വിദ്യാര്‍ഥിനി, സെന്‍റ് മേരീസ്‌ ജിഎച്ച്‌എസ്‌എസ്‌, കാഞ്ഞിരപ്പള്ളി). സംസ്‌കാരം ഇന്നു മൂന്നിന്‌ പൊന്‍കുന്നം തിരുക്കുടുംബ ഫൊറോന പള്ളിയില്‍
