തിരുവനന്തപുരം : പരിഗണനയില് ഉണ്ടായിരുന്ന അഞ്ചു ബില്ലുകളില് ഒപ്പിട്ട് ഗവര്ണര് ആരിഫ് മുഹമ്മദ് ഖാന്. ഭൂപതിവ് നിയമ ഭേദഗതി ബില്, നെല് വയല് നീര്ത്തട നിയമ ഭേദഗതി ബില്, ക്ഷീരസഹകരണ ബില്, സഹകരണ നിയമ ഭേദഗതി ബില്, അബ്കാരി നിയമ ഭേദഗതി ബില് എന്നീ ബില്ലുകളിലാണ് ഗവര്ണര് ഒപ്പ് വച്ചിരിക്കുന്നത്. ബില്ലുകൾ പരിഗണിക്കുന്നില്ലെന്ന് ചൂണ്ടിക്കാട്ടി ഗവര്ണര്ക്കെതിരെ സിപിഎം സംസ്ഥാനത്ത് സമരപരിപാടികള് സംഘടിപ്പിച്ചിരുന്നു. ഇതോടെ ഗവര്ണറുടെ പരിഗണനയിലുണ്ടായിരുന്ന മുഴുവന് ബില്ലുകള്ക്കും അനുമതിയായിരിക്കുകയാണ്.