തിരുവനന്തപുരം: സംസ്ഥാന സർക്കാരിന്‍റെ ഈസ്റ്റർ, റംസാൻ, വിഷു ചന്തകൾ 28ന് ആരംഭിക്കും. ഏപ്രിൽ 13 വരെയാണ് ചന്തകൾ പ്രവർത്തിക്കുക. വിലക്കയറ്റം പിടിച്ചു നിർത്തുക ലക്ഷ്യമിട്ടുള്ള ചന്തകൾ സംസ്ഥാനത്തെ 83 താലൂക്കുകളിലും ഉണ്ടാകും.വിപണി ഇടപെടലിന്‌ 200 കോടി കഴിഞ്ഞ ദിവസം സർക്കാർ അനുവദിച്ചിരുന്നു. അതിനുമുമ്പ്‌ 80 കോടി രൂപയും നൽകി. ഈ തുകയുൾപ്പെടെ ഉപയോഗിച്ചാണ്‌ ചന്തകൾ സജ്ജമാക്കുന്നത്‌.
13 ഇനം സബ്‌സിഡി സാധനങ്ങൾ ഈസ്റ്റർ, റംസാൻ, വിഷു ചന്തകളിൽ ലഭിക്കും. ഇവിടെ സപ്ലൈകോ ഉൽപ്പന്നങ്ങളും മറ്റ്‌ സൂപ്പർ മാർക്കറ്റ്‌ ഇനങ്ങളും കുറഞ്ഞ വിലയിൽ ലഭ്യമാകും.
