ലോക്സഭാ തെരഞ്ഞെടുപ്പില് മത്സരിക്കുന്ന സ്ഥാനാര്ഥികള്ക്ക് നാലുവരെ നാമനിര്ദേശപത്രിക സമര്പ്പിക്കാം. തെരഞ്ഞെടുപ്പ് കമ്മീഷന് നിശ്ചയിച്ച മാനദണ്ഡപ്രകാരം പൊതു അവധിദിനങ്ങളായ മാര്ച്ച് 31 (നാളെ), നെഗോഷ്യബിള് ഇന്സ്ട്രമെന്റ്സ് ആക്ട് പ്രകാരമുള്ള അവധിയായ ഏപ്രില് 1 എന്നീ ദിവസങ്ങളില് പത്രിക സ്വീകരിക്കില്ല. പത്രികകള് ജില്ലാ വരണാധികാരിയായ ജില്ലാ കളക്ടര്ക്ക് രാവിലെ 11 മുതല് വൈകിട്ട് മൂന്നു വരെ സമര്പ്പിക്കാം. പത്രികകളുടെ സൂക്ഷ്മ പരിശോധന ഏപ്രില് അഞ്ചും പിന്വലിക്കാനുള്ള തീയതി ഏപ്രില് എട്ടുമാണ്. ലോക്സഭാ തെരഞ്ഞെടുപ്പില് നാമനിര്ദ്ദേശ പത്രികാ സമര്പ്പിക്കുന്നതിന് സ്ഥാനാര്ഥികള് ഉള്പ്പെടെ അഞ്ചുപേര്ക്ക് മാത്രമേ വരണാധികാരിയുടെ ഓഫീസില് പ്രവേശിക്കാന് അനുവാദമുള്ളൂ. ഒരു സ്ഥാനാര്ഥിക്ക് പരമാവധി നാല് സെറ്റ് പത്രികകള് വരെ നല്കാം. നാമനിര്ദേശ പത്രികയും അനുബന്ധഫോമുകളും വരണാധികാരിയുടെ ഓഫീസില് നിന്ന് ലഭിക്കും. സ്ഥാനാര്ഥികളില് പൊതു വിഭാഗത്തിന് 25,000 രൂപയും പട്ടികജാതി, പട്ടികവര്ഗ വിഭാഗത്തിന് 12,500 രൂപയുമാണ് കെട്ടിവയ്ക്കേണ്ടത്. സ്ഥാനാര്ഥികളുടെ വാഹനങ്ങളില് പരമാവധി മൂന്നെണ്ണത്തിന് മാത്രമേ വരണാധികാരിയുടെ ഓഫീസിന് 100 മീറ്റര് പരിധിയില് പ്രവേശനമുള്ളൂ.