ചാത്തൻതറ: കവിയും ചിന്തകനും എഴുത്തുകാരനുമായ കൊല്ലമുള സംസ്കാരയിൽ കെ.കെ.എസ്. ദാസ് (79, റിട്ട. കേരള വിദ്യാഭ്യാസ വകുപ്പ് അഡ്മിനിസ്ട്രേറ്റീവ് ഓഫീസർ) അന്തരിച്ചു. സംസ്കാരം നാളെ 11ന് വീട്ടുവളപ്പിൽ. ഭാര്യ ജയശ്രീ.മക്കൾ: അഡ്വ. സിന്ധു എസ്. ദാസ്, പരേതയായ സന്ധ്യ എസ്. ദാസ്, സ്മിത എസ്. ദാസ്. മരുമക്കൾ: ഡി. അരുൺ (കൊട്ടാരക്കര), ഷാജി (കുണ്ടറ), ഡോ.ഒ.കെ. സന്തോഷ്‌ (ചെന്നൈ).ദേശീയ ദളിത്‌ വിമോചന മുന്നണി, ജാതി വിരുദ്ധ മതേതരവേദി, ഭൂസമര മുന്നണി, സിഡിയൻ, കേരള യുക്തിവാദി സംഘം തുടങ്ങിയവയുടെ നേതൃ പദവിയിലുണ്ടായിരുന്നു. കേരള ഭാഷ ഇൻസ്റ്റിറ്റ്യൂട്ട് ഗവേണിംഗ് ബോഡി അംഗമായിരുന്നു.കാരവൻ സാഹിത്യ പുരസ്കാരം, സൈന്ദവ മൊഴി അവാർഡ്, അംബേദ്കർ ഫെലോഷിപ്പ്, അയ്യങ്കാളി നാഷ്ണൽ അവാർഡ് തുടങ്ങിയവ ലഭിച്ചിട്ടുണ്ട്. മൃതദേഹം ഇന്ന് രണ്ടുമുതൽ വീട്ടിൽ പൊതുദർശനത്തിന് വയ്ക്കും.
