ന്യൂഡല്ഹി: കടമെടുപ്പിന് അനുമതി തേടി കേരള സര്ക്കാര് സുപ്രീംകോടതിയില് നല്കിയ പ്രധാന ഹര്ജി ഭരണഘടനാബെഞ്ചിന് വിട്ടു. കേസ് അഞ്ചംഗ ഭരണഘടനാ ബെഞ്ച് പരിഗണിക്കും.293-ാം അനുച്ഛേദം ഇതുവരെ കോടതിയില് ചോദ്യം ചെയ്യപ്പെട്ടിട്ടില്ലെന്ന് സുപ്രീംകോടതിയുടെ രണ്ടംഗ ബെഞ്ച് ചൂണ്ടിക്കാട്ടി. കേരളത്തിന്റെ ഹര്ജിയുടെ അടിസ്ഥാനത്തില് ഇതുസംബന്ധിച്ച ആറ് ചോദ്യങ്ങള് ഉയര്ന്നുവന്നിട്ടുണ്ട്. ഈ സാഹചര്യത്തില് ഹര്ജി ഭരണഘടനാബെഞ്ചിന് വിടുകയാണെന്നും രണ്ടംഗ ബെഞ്ച് വ്യക്തമാക്കി.
ഓരോ സംസ്ഥാനത്തിനും കടമെടുക്കാവുന്ന പരിധി സംബന്ധിച്ച ഹര്ജിയാണ് ഭരണഘടനാബെഞ്ച് പരിഗണിക്കുക. ഭരണഘടനയുടെ 293-ാം അനുച്ഛേദപ്രകാരമാണ് ഒരു സംസ്ഥാനത്തിന് എത്രത്തോളം കടമെടുക്കാം എന്ന് നിശ്ചയിക്കുന്നത്.