മുണ്ടക്കയം: മരണ സംസ്കാര ചടങ്ങിൽ പങ്കെടുക്കുവാൻ എത്തിയവരെ കാട്ടുതേനീച്ച ആക്രമിച്ചു. പുഞ്ചവയൽ ചതുപ്പ് ഭാഗത്ത് ഇന്നലെ രാവിലെ ഒന്പതോടു കൂടിയാണ് സംഭവം. മാടത്താനിയിൽ മാത്യു ജോസഫിന്‍റെ സംസ്കാര ചടങ്ങുകളുടെ ഭാഗമായി വീട്ടിൽ പ്രാർഥനകൾ നടക്കുന്നതിനിടയാണ് തേനീച്ചകളുടെ ആക്രമണമുണ്ടായത്.സമീപത്തെ വനമേഖലയിൽനിന്നു കൂടിളകിവന്ന തേനീച്ചകൾ കൂട്ടംകൂടി നിന്ന ആളുകളെ ആക്രമിക്കുകയായിരുന്നു. സംഭവത്തിൽ 18 പേർക്ക് തേനീച്ചയുടെ കുത്തേറ്റു.ഇവരെ മുണ്ടക്കയത്തെ ആശുപത്രിയിൽ പ്രവേശിപ്പിച്ചു. ജനവാസ മേഖലയോടു ചേർന്ന് പെരുന്തേനീച്ചകൾ കൂടു കൂട്ടിയപ്പോൾ മുതൽ ഇത് അപകടത്തിനു കാരണമാകുമെന്ന് നാട്ടുകാർ അധികൃതരെ അറിയിച്ചെങ്കിലും യാതൊരു നടപടിയും സ്വീകരിച്ചില്ലെന്ന് നാട്ടുകാർ കുറ്റപ്പെടുത്തുന്നു.കാക്ക, പരുന്ത് അടക്കമുള്ള പക്ഷികളുടെ ആക്രമണത്തിൽ തേനീച്ചകൂടിളകിയാതാക്കാം പെരുന്തേനീച്ചകൾ മനുഷ്യരെ ആക്രമിക്കാൻ ഇടയാക്കിയതെന്നും നാട്ടുകാർ പറയുന്നു.
