തിരുവനന്തപുരം: ആറ്റിങ്ങലിൽ ദന്തൽ ഡോക്ടറുടെ വീട് കുത്തിത്തുറന്ന് 50 പവനും നാലര ലക്ഷം രൂപയും കവർന്നു. ആറ്റിങ്ങൽ കുന്നിലെ ഡോ. അരുൺ ശ്രീനിവാസിന്റെ വീട്ടിലാണ് മോഷണം നടന്നത്.സംഭവസമയത്ത് ഡോക്ടറും കുടുംബാംഗങ്ങളും ബന്ധുവീട്ടിൽ പോയിരിക്കുകയായിരുന്നു. തിരികെയെത്തിയപ്പോഴാണ് മോഷണവിവരമറിയുന്നത്. കിടപ്പുമുറിയിലെ ലോക്കര് കുത്തിത്തുറന്നാണ് മോഷ്ടാക്കൾ സ്വർണവും പണവും കവർന്നത്. സംഭവത്തിൽ പോലീസ് അന്വേഷണം ആരംഭിച്ചു.