പാലക്കാട്: ഒലവക്കോട് താണാവില്‍ ലോട്ടറി കട നടത്തുന്ന സ്ത്രീക്ക് നേരേ ആസിഡ് ആക്രമണം. ഒലവക്കോട് സ്വദേശിനി ബര്‍ഷീനയ്ക്ക് നേരേയാണ് ആക്രമണമുണ്ടായത്.സാരമായി പൊള്ളലേറ്റ ഇവരെ പാലക്കാട് ജില്ലാ ആശുപത്രിയിലേക്ക് മാറ്റി. സംഭവത്തില്‍ ഇവരുടെ മുന്‍ ഭര്‍ത്താവായ തമിഴ്‌നാട് സ്വദേശി കാജാ ഹുസൈനെ പോലീസ് കസ്റ്റഡിയിലെടുത്തു.
ഇന്ന് രാവിലെ ഏഴോടെയാണ് സംഭവം. കാജാ ഹുസൈന്‍ ബര്‍ഷീനയുടെ ലോട്ടറി കടയില്‍ എത്തിതിന് പിന്നാലെ ഇരുവരും തമ്മില്‍ തര്‍ക്കമുണ്ടായി. ഇതിനിടെ ഇയാള്‍ കൈയില്‍ കരുതിയിരുന്ന ദ്രാവകം ബര്‍ഷീനയുടെ മുഖത്തേയ്ക്ക് ഒഴിക്കുകയായിരുന്നു. സംഭവത്തിന് പിന്നാലെ ഇയാള്‍ ഓടി രക്ഷപെടാന്‍ ശ്രമിച്ചെങ്കിലും നാട്ടുകാര്‍ പിടികൂടി പോലീസില്‍ ഏല്‍പ്പിച്ചു.
