തിരുവനന്തപുരം: വെള്ളറടയില്‍ വീട് കയറി ആക്രമണം. കോവില്ലൂര്‍ അടിക്കലം സ്വദേശി ശ്യാമളയുടെ വീട്ടിലാണ് നാലംഗ സംഘം സംഘം ആക്രമണം നടത്തിയത്.ആക്രമണത്തില്‍ ശ്യാമളയ്ക്കും ഇവരുടെ സഹോദരിയുടെ മകന്‍ രതീഷിനും പരിക്കേറ്റിട്ടുണ്ട്. ഇവരെ തിരുവനന്തപുരം മെഡിക്കല്‍ കോളജ് ആശുപത്രിയിലേക്ക് മാറ്റി.അതേസമയം മുൻവൈരാഗ്യത്തിന്‍റെ പേരിൽ ഇരുകൂട്ടരും പരസ്പരം ആക്രമണം നടത്തിയിട്ടുണ്ടെന്നാണ് സൂചന. കസ്റ്റഡിയിലുള്ളവര്‍ നല്‍കിയ പരാതിയില്‍ ശ്യാമളയ്ക്കും രഞ്ജിത്തിനുമെതിരേയും പോലീസ് കേസെടുത്തു.കുടുംബപരമായ മുന്‍വൈരാഗ്യങ്ങളെ തുടര്‍ന്നുള്ള ആക്രമണമാണെന്നാണ് പോലീസിന്‍റെ നിഗമനം. സംഭവത്തില്‍ രണ്ട് പേരെ പോലീസ് കസ്റ്റഡിയിലെടുത്തു. വീട് കയറിയുള്ള ആക്രമണത്തില്‍ ഇവര്‍ക്കെതിരേ പോലീസ് കേസെടുത്തിട്ടുണ്ട്.
