തിരുവനന്തപുരം: മാസപ്പടി വിവാദത്തില് സീരിയസ് ഫ്രോഡ് ഇന്വെസ്റ്റിഗേഷന് ഓഫീസ് (എസ്എഫ്ഐഒ) അന്വേഷണത്തിനെതിരെ സംസ്ഥാന വ്യവസായ വികസന കോര്പറേഷന് (കെഎസ്ഐഡിസി) സമര്പ്പിച്ച ഹര്ജി ഹൈക്കോടതി ഇന്ന് വീണ്ടും പരിഗണിക്കും. ഹര്ജിയില് ജസ്റ്റീസ് ദേവന് രാമചന്ദ്രന് ആണ് വാദം കേള്ക്കുന്നത്.
മുന്കൂട്ടി അറിയിക്കാതെയാണ് എസ്എഫ്ഐഒ സ്ഥാപനത്തില് പരിശോധന നടത്തിയതെന്നും അന്വേഷണത്തിനു പിന്നിൽ രാഷ്ട്രീയ അജണ്ട ഉണ്ടെന്നുമാണ് കെഎസ്ഐഡിസി ഹർജിയിൽ ആരോപിക്കുന്നത്. എന്നാൽ, സിഎംആര്എലിന്റെ ഇടപാടുകള് സംബന്ധിച്ച് കെഎസ്ഐഡിസി ജാഗ്രത പുലര്ത്തിയില്ലെന്ന് കോര്പ്പറേറ്റ് മന്ത്രാലയം ഹൈക്കോടതിയില് സത്യവാംഗ്മൂലം നല്കിയിരുന്നു.അന്വേഷണം സ്റ്റേ ചെയ്യാനാവില്ലെന്നു കോടതി ഹര്ജി ആദ്യം പരിഗണിച്ചപ്പോള് തന്നെ അറിയിച്ചിരുന്നു. മാസപ്പടിക്കേസിലെ കേന്ദ്ര അന്വേഷണത്തെ അതിർക്കുന്നതെന്തിനെന്ന് ചോദിച്ച കോടതി പൊതുപണം ഉപയോഗിച്ച് പ്രവർത്തിക്കുന്ന സ്ഥാപനമല്ലെ കെഎസ്ഐഡിസിയെന്നും അന്വേഷണത്തെ സ്വാഗതം ചെയ്യുകയാണ് വേണ്ടിയിരുന്നതെന്നും ചൂണ്ടിക്കാട്ടി.