കാഞ്ഞിരപ്പള്ളി: പാർലമെന്റ് തെരഞ്ഞെടുപ്പിനോടനുബന്ധിച്ച് പോലീസും കേന്ദ്രസേനയും സംയുക്തമായി കാഞ്ഞിരപ്പള്ളിയിൽ റൂട്ട് മാർച്ച് നടത്തി. ഡിവൈഎസ്പി എം. അനിൽകുമാറിന്റെ നേതൃത്വത്തിലായിരുന്നു റൂട്ട് മാർച്ച്.ഇന്നലെ രാവിലെ പൂതക്കുഴിയിൽനിന്ന് കാഞ്ഞിരപ്പള്ളി കുരിശുകവലയിലേയ്ക്കും ഉച്ചകഴിഞ്ഞ് പാറത്തോട് പള്ളിപ്പടിയിൽനിന്ന് പാറത്തോട് ടൗണിലേക്കും തമ്പലക്കാട് നാലാംമൈലിൽനിന്ന് അമ്പലം ജംഗ്ഷനിലേക്കുമാണ് റൂട്ട് മാർച്ച് നടത്തിയത്. പോലീസിന് പുറമെ സിഐഎസ്എഫ് സേനാംഗക്കളും ആയുധങ്ങളുമായി റൂട്ട് മാർച്ചിൽ അണിനിരന്നു. കാഞ്ഞിരപ്പള്ളി സ്റ്റേഷൻ എസ്എച്ച്ഒ എം.എസ്. ഫൈസലും റൂട്ട് മാർച്ചിന് നേതൃത്വം നൽകി.തെരഞ്ഞെടുപ്പിൽ സംഘർഷങ്ങളും മറ്റും ഒഴിവാക്കുന്നതിന്റെ ഭാഗമായാണ് കേന്ദ്രസേനയെ പങ്കെടുപ്പിച്ച് പോലീസ് റൂട്ട് മാർച്ച് നടത്തിയത്.