ഇടുക്കി: . ഇടുക്കി ബിഎൽ റാം സ്വദേശി പാൽത്തായ്ക്കാണ് പരിക്കേറ്റത്. ഇവരെ തേനി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.രാവിലെ ഏഴരയോടെയാണ് സംഭവം. മുൻപഞ്ചായത്തംഗം കൂടിയായ പാൽത്തായ് മറ്റൊരു വീട്ടമ്മയ്ക്കൊപ്പം നടന്നുവരികയായിരുന്നു. ഈസമയം കാട്ടാന ചക്കക്കൊമ്പൻ ഇവർക്കു നേരെ പാഞ്ഞടുത്തതോടെ ഇരുവരും ഭയന്നോടി.ആനയിൽ നിന്ന് രക്ഷപെടാൻ പാൽത്തായ് മുപ്പതടിയോളം ഉയരമുള്ള തിട്ടയിൽ നിന്ന് താഴേക്ക് ചാടി. ഈ വീഴ്ചയിലാണ് അവർക്ക് പരിക്കേറ്റത്. ഇതിനു പിന്നാലെ നാട്ടുകാർ ബഹളംവച്ച് ആനയെ തുരത്തിയ ശേഷം പാൽത്തായിയെ ആശുപത്രിയിലെത്തിക്കുകയായിരുന്നു. കൈക്കും കഴുത്തിനും പരിക്കേറ്റ വീട്ടമ്മയ്ക്ക് ശ്വാസതടസവുമുണ്ടായി.
