ഇരിട്ടി: ഒരുവർഷത്തിനുശേഷം ആറളം പാലത്തിനു സമീപം ജനവാസ മേഖലയിൽ വീണ്ടും കാട്ടാന എത്തി. മലയോര ഹൈവേ കടന്നുപോകുന്ന പാലത്തിനു സമീപം പുഴയിലെ തുരുത്തിലാണു ഫാമിൽ നിന്ന് ഇറങ്ങിയ രണ്ട് ആനകൾ നിലയുറപ്പിച്ചിരിക്കുന്നത്.പൂതക്കുണ്ട്, ആറളം, കാപ്പുംകടവ്, കൂടലാട്, പറമ്പത്തെക്കണ്ടി തുടങ്ങിയ മേഖലകളിലുള്ള ആളുകളോട് ജാഗ്രത പാലിക്കാൻ നിർദേശം നൽകി. ആനയെ തുരത്താനുള്ള നടപടികൾ വനംവകുപ്പ് ആരംഭിച്ചു.
