അഞ്ചാം ഘട്ടത്തിൽ 49 ലോക്‌സഭാമണ്ഡലങ്ങളിലായി സമർപ്പിച്ചത് 1586 നാമനിർദേശപ്പത്രികകൾ
ന്യൂഡൽഹി : 08 മെയ് 2024
2024ലെ ലോക്‌സഭാ തെരഞ്ഞെടുപ്പിന്റെ അഞ്ചാം ഘട്ടത്തിൽ മത്സരിക്കുന്നത് 8 സംസ്ഥാനങ്ങളിൽനിന്നും കേന്ദ്രഭരണപ്രദേശങ്ങളിൽനിന്നുമായി 695 സ്ഥാനാർഥികൾ. 8 സംസ്ഥാനങ്ങളിലും/കേന്ദ്രഭരണ പ്രദേശങ്ങളിലും അഞ്ചാം ഘട്ടത്തിലേക്കുള്ള നാമനിർദേശപ്പത്രിക സമർപ്പിക്കാനുള്ള അവസാന തീയതി 2024 മെയ് 3 ആയിരുന്നു. സൂക്ഷ്മപരിശോധനയ്ക്കുശേഷം, 749 നാമനിർദേശപ്പത്രികകൾ സാധുതയുള്ളതാണെന്നു കണ്ടെത്തി.
അഞ്ചാം ഘട്ടത്തിൽ, മഹാരാഷ്ട്രയിൽ 13 പാർലമെന്റ് മണ്ഡലങ്ങളിൽനിന്നായി 512 നാമനിർദേശപ്പത്രികകൾ ലഭിച്ചു. ഉത്തർപ്രദേശിൽ 14 ലോക്‌സഭാമണ്ഡലങ്ങളിൽനിന്ന് 466 പത്രികകൾ ലഭിച്ചു. ഝാർഖണ്ഡിലെ 4-ചത്ര ലോക്‌സഭാമണ്ഡലത്തിൽനിന്ന് 69 പത്രികകളും ഉത്തർപ്രദേശിലെ 35-ലഖ്‌നൗവിൽനിന്ന് 67 നാമനിർദേശപ്പത്രികകളും ലഭിച്ചു. അഞ്ചാം ഘട്ടത്തിൽ ലോക്‌സഭാമണ്ഡലങ്ങളിൽ മത്സരിക്കുന്ന സ്ഥാനാർഥികളുടെ ശരാശരി എണ്ണം 14 ആണ്.
2024-ലെ ലോക്‌സഭാ തെരഞ്ഞെടുപ്പ് അഞ്ചാം ഘട്ടത്തിന്റെ സംസ്ഥാനം/കേന്ദ്രഭരണപ്രദേശം തിരിച്ചുള്ള വിശദാംശങ്ങൾ:
| സംസ്ഥാനം/കേന്ദ്രഭരണപ്രദേശം | അഞ്ചാം ഘട്ടത്തിലെ ലോക്‌സഭാമണ്ഡലങ്ങളുടെ എണ്ണം | ലഭിച്ച നാമനിർദേശപ്പത്രികകൾ | സൂക്ഷ്മപരിശോധനയ്ക്കുശേഷം സാധുവായ സ്ഥാനാർഥികൾ | പത്രിക പിൻവലിക്കലിനുശേഷം മത്സരിക്കുന്ന സ്ഥാനാർഥികൾ |
| ബിഹാർ | 5 | 164 | 82 | 80 |
| ജമ്മു & കശ്മീർ | 1 | 38 | 23 | 22 |
| ഝാർഖണ്ഡ് | 3 | 148 | 57 | 54 |
| ലഡാക്ക് | 1 | 8 | 5 | 3 |
| മഹാരാഷ്ട്ര | 13 | 512 | 301 | 264 |
| ഒഡിഷ | 5 | 87 | 41 | 40 |
| ഉത്തർപ്രദേശ് | 14 | 466 | 147 | 144 |
| പശ്ചിമ ബംഗാൾ | 7 | 163 | 93 | 88 |
| ആകെ | 49 | 1586 | 749 | 6 |
