ന്യൂഡൽഹി: ഇലക്ടറൽ ബോണ്ട് വിവരങ്ങൾ സമർപ്പിക്കുന്നതിൽ സമയം നീട്ടിനല്കണമെന്നാവശ്യപ്പെട്ട് എസ്ബിഐ സുപ്രീംകോടതിയിൽ സമർപ്പിച്ച ഹർജി ഇന്നു പരിഗണിക്കും.ചീഫ് ജസ്റ്റീസ് ഡി.വൈ. ചന്ദ്രചൂഡ് അധ്യക്ഷനായ അഞ്ചംഗ ഭരണഘടനാ ബെഞ്ചാണ് ഹർജി പരിഗണിക്കുന്നത്.
അസോസിയേഷൻ ഫോർ ഡെമോക്രാറ്റിക് റിഫോംസ് (എഡിആർ) എസ്ബിഐക്കെതിരേ കോടതിയലക്ഷ്യ നടപടി സ്വീകരിക്കണമെന്നാവശ്യപ്പെട്ടു സമർപ്പിച്ച പ്രത്യേക ഹർജിയും ഇതേ ബെഞ്ച് പരിഗണിക്കും.