വയനാട്: സുഗന്ധഗിരി മരംമുറി കേസില് ഡിഎഫ്ഒ ഷജ്ന കരീമിന് സസ്പെന്ഷന്. റേഞ്ച് ഓഫീസര് സജീവന്, ഡെപ്യൂട്ടി റേഞ്ച് ഓഫീസര് ബീരാന്കുട്ടി എന്നിവരെയും സസ്പെന്ഡ് ചെയ്തു.
ഇതോടെ കേസില് സസ്പെന്ഷനിലാകുന്ന വനംവകുപ്പ് ജീവനക്കാരുടെ എണ്ണം ഒമ്പതായി. സുഗന്ധഗിരി ആദിവാസി കോളനിയിലെ വീടുകള്ക്ക് ഭീഷണിയായി നിന്ന 20 മരങ്ങള് മുറിക്കാന് നല്കിയ പെര്മിറ്റിന്റെ മറവില് 126 മരങ്ങള് അനധികൃതമായി മുറിച്ചു കടത്തിയെന്നാണ് കേസ്.കേസില് 18 ഉദ്യോഗസ്ഥര് കുറ്റക്കാരാണെന്ന വകുപ്പുതല അന്വേഷണ റിപ്പോര്ട്ട് കഴിഞ്ഞ ദിവസം പുറത്തുവന്നിരുന്നു.