പാലക്കാട്: കൊഴിഞ്ഞാമ്പാറയില്‍ സഹോദരന്‍റെ കുത്തേറ്റ യുവാവ് മരിച്ചു. കുലുക്കപ്പാറ പഴനിയാര്‍ പാളയം സ്വദേശി രംഗസ്വാമി ആണ് മരിച്ചത്. ഗുരുതരമായി പരിക്കേറ്റ് ആശുപത്രിയില്‍ ചികിത്സയിലിരിക്കെയാണ് മരണം.
തിങ്കളാഴ്ച രാത്രിയിലാണ് സംഭവം. മദ്യപിച്ചെത്തിയ രംഗസ്വാമി അമ്മയെ ആക്രമിക്കുന്നത് തടയാന്‍ ശ്രമിക്കുന്നതിനിടെ അനുജന്‍ മഹേന്ദ്രന്‍ ഇയാളെ കുത്തുകയായിരുന്നു. ഗുരുതരമായി പരിക്കേറ്റ ഇയാളെ തൃശൂര്‍ മെഡിക്കല്‍ കോളജ് ആശുപത്രിയിലേക്ക് മാറ്റിയിരുന്നു. ഇവിടെ ചികിത്സയിലിരിക്കെ ഇന്ന് രാവിലെയാണ് മരണം.സംഭവത്തില്‍ പ്രതി മഹേന്ദ്രനെ പോലീസ് കസ്റ്റഡിയിലെടുത്തു. രംഗസ്വാമി മദ്യപിച്ചെത്തി ബഹളമുണ്ടാക്കുന്നത് പതിവാണെന്നാണ് വിവരം.
