മലപ്പുറം: സൂര്യാഘാതമേറ്റ് കുഴഞ്ഞുവീണതിനെ തുടര്ന്ന് ചികിത്സയിലായിരുന്നയാള് മരിച്ചു. മലപ്പുറം പടിഞ്ഞാറ്റുമുറി സ്വദേശി മുഹമ്മദ് ഹനീഫ(63) ആണ് മരിച്ചത്.
കൂലിപ്പണിക്കാരനായ ഹനീഫ ബുധനാഴ്ച ഉച്ചയോടെ ജോലിക്കിടെ കുഴഞ്ഞുവീഴുകയായിരുന്നു. കോഴിക്കോട് മെഡിക്കല് കോളജ് ആശുപത്രിയില് ചികിത്സയിലിരിക്കെ ഇന്ന് രാവിലെയാണ് മരണം സംഭവിച്ചത്.സൂര്യാഘാതമേറ്റ് നിര്ജലീകരണം സംഭവിച്ചിട്ടുണ്ടെന്നും ഇതേതുടര്ന്നുണ്ടായ അസ്വസ്ഥതകളാണ് മരണത്തിലേക്ക് നയിച്ചതെന്നുമാണ് പ്രാഥമിക നിഗമനം.