വയനാട്: തണ്ണീര്‍ക്കൊമ്പന് പിന്നാലെ കര്‍ണാടക വനമേഖലയില്‍നിന്നുള്ള മറ്റൊരു മോഴയാന വയനാട്ടില്‍. പാതിരി കാടുകളുടെ ഭാഗത്താണ് ആന ഇപ്പോഴുള്ളതെന്ന് ഉത്തരമേഖല സിസിഎഫ് ദീപ അറിയിച്ചു.
റേഡിയോ കോളര്‍ ഘടിപ്പിച്ച ആനയെ ആണ് കണ്ടെത്തിയത്. ആനയെ കൃത്യമായി നിരീക്ഷിച്ചുവരികയാണെന്നും റേഡിയോ കോളര്‍ ഉള്‍പ്പെടെ ട്രാക്ക് ചെയ്യുന്നുണ്ടെന്നും ഇവര്‍ വ്യക്തമാക്കി.ഇവിടെനിന്ന് ആന ജനവാസമേഖലയില്‍ എത്താനുള്ള സാധ്യത ഉണ്ടോയെന്നും വനംവകുപ്പ് പരിശോധിക്കുന്നുണ്ട്. അതിര്‍ത്തി വനമേഖലയില്‍ ആനകളെ തുറന്നുവിടുന്നതാകാം ഇവ കേരളത്തിലേക്ക് എത്താന്‍ കാരണമെന്നാണ് നിഗമനം.
