ദുബായി: യുഎഇയിൽ വീണ്ടും കനത്ത മഴയ്ക്ക് സാധ്യതയുണ്ടെന്ന കാലാവസ്ഥാ പ്രവചനത്തിന് പിന്നാലെ വിമാനയാത്രക്കാർക്ക് പ്രത്യേക നിർദേശങ്ങൾ പുറത്തിറക്കി. മഴയും അത് കാരണമുള്ള ഗതാഗതക്കുരുക്കുകളും പ്രതീക്ഷിക്കുന്നതിനാൽ ദുബായി വിമാനത്താവളം വഴി യാത്ര ചെയ്യുന്നവർ അൽപം നേരത്തെ ഇറങ്ങണം.
സ്വകാര്യ മേഖലയിൽ നേരിട്ട് ജോലി സ്ഥലങ്ങളിൽ എത്തേണ്ടത് അത്യാവശ്യമല്ലാത്ത ജീവനക്കാർക്ക് വർക്ക് ഫ്രം ഹോം അനുവദിക്കണമെന്നു രാജ്യത്തെ ദുരന്തനിവാരണ അഥോറിറ്റിയും നി‍ർദേശിച്ചു.ഷാർജ, ദുബായി എമിറേറ്റുകളിൽ സ്കൂളുകളിൽ വിദൂര പഠനരീതി സ്വീകരിക്കും. രണ്ടു ദിവസത്തേക്കാണ് യുഎഇയിൽ കനത്ത മഴ പ്രവചിച്ചിട്ടുള്ളത്.
