കോട്ടയം :ജോസഫ് വിഭാഗത്തിൽനിന്ന് രാജി വച്ച സജി മഞ്ഞക്കടമ്പൻ രാവിലെ 10.30ന് ദര്‍ശന ഓഡിറ്റോറിയത്തില്‍ നേതൃയോഗം വിളിച്ചു ചേര്‍ത്തു .തന്റെ രാഷ്ട്രീയ നിലപാടു പ്രഖ്യാപനത്തിനാണ് നേത്ര്വയോഗം വിളിച്ചിരിക്കുന്നതെന്ന് മഞ്ഞക്കടമ്പൻ പറഞ്ഞു.
കേരള കോണ്‍ഗ്രസ്-എമ്മിലേക്ക് തിരികെയെത്തുമെന്നാണു പുറത്തുവരുന്ന സൂചനകൾ. കോട്ടയത്തും പാലായിലും ഇതു സംബന്ധിച്ച ചര്‍ച്ചകള്‍ നടക്കുകയാണ്. സജിയുയമായി കേരള കോണ്‍ഗ്രസ്-എം ചെയര്‍മാന്‍ ജോസ് കെ. മാണിയും മന്ത്രി റോഷി അഗസ്റ്റ്യനും ചര്‍ച്ചകള്‍ നടത്തിയിരുന്നു. മന്ത്രി വി.എന്‍. വാസവന്‍ കഴിഞ്ഞയാഴ്ച സജിയുമായി സംസാരിച്ചിരുന്നു. പാലായില്‍ നിന്നുള്ള പാര്‍ട്ടി ജില്ലാ സെക്രട്ടേറിയേറ്റ് അംഗത്തെ തുടര്‍ചര്‍ച്ചകള്‍ക്കായി ചുമതലപ്പെടുത്തുകയും ചെയ്തു.
രാഷ്ട്രീയ നിലപാടു പ്രഖ്യാപിക്കുന്നതോടൊപ്പം ഏതു സ്ഥാനാര്‍ഥിയെ പിന്തുണയ്ക്കണമെന്നതും യോഗത്തില്‍ ചര്‍ച്ചചെയ്യുമെന്നും തന്റെ നിലപാടുകളുമായി യോജിപ്പുള്ള ആളുകള്‍ സമ്മേളനത്തിലുണ്ടാകുമെന്നും സജി മഞ്ഞക്കടമ്പില്‍ പറഞ്ഞു.
