മൂ​വാ​റ്റു​പു​ഴ ടൗ​ണി​നെ മു​ൾ​മു​ന​യി​ലാ​ക്കി വ​ള​ർ​ത്തു​നാ​യു​ടെ ആ​ക്ര​മ​ണം

മൂ​വാ​റ്റു​പു​ഴ: ടൗ​ണി​നെ മു​ൾ​മു​ന​യി​ലാ​ക്കി വ​ള​ർ​ത്തു​നാ​യു​ടെ ആ​ക്ര​മ​ണം. മ​ദ്​​റ​സ വി​ദ്യാ​ർ​ഥി​ക​ള​ട​ക്കം എ​ട്ടു​പേ​ർ​ക്ക് ക​ടി​യേ​റ്റു. മൂ​ന്ന്​ വ​ള​ർ​ത്തു​മൃ​ഗ​ങ്ങ​ൾ​ക്കും പ​രി​ക്കു​ണ്ട്. ആ​സാ​ദ്​ റോ​ഡി​ൽ തു​ട​ങ്ങി​യ അ​ക്ര​മ​ണം ഉ​റ​വ​ക്കു​ഴി, തൃ​ക്ക വ​ഴി പു​ളി​ഞ്ചു​വ​ട്​ ക​വ​ല വ​രെ​യു​ള്ള ര​ണ്ട് കി.​മീ. ദൂ​രം നീ​ണ്ടു. അ​തി​നി​ട​യി​ൽ ക​ണ്ട​വ​രെ​യെ​ല്ലാം നാ​യ്​ ആ​ക്ര​മി​ച്ചു.രാ​വി​ലെ ഒ​മ്പ​തു​മു​ത​ൽ നാ​ല്​ മ​ണി​ക്കൂ​ർ നീ​ണ്ട ആ​ക്ര​മ​ണം ന​ഗ​ര​ത്തെ മു​ൾ​മു​ന​യി​ൽ നി​ർ​ത്തി. തൃ​ക്ക ഭാ​ഗ​ത്ത്​ താ​മ​സി​ക്കു​ന്ന​യാ​ളു​ടെ നാ​യാ​ണ് ആ​ക്ര​മ​ണ​കാ​രി​യാ​യ​ത്. രാ​വി​ലെ വീ​ട്ടി​ൽ​നി​ന്ന്​ ച​ങ്ങ​ല പൊ​ട്ടി​ച്ച് പു​റ​ത്തു​ചാ​ടി​യ​താ​യി​രു​ന്നു നാ​യ്.വീ​ട്ടി​ലേ​ക്ക് മ​ട​ങ്ങു​ന്ന​തി​നി​ടെ ന​ഗ​ര​സ​ഭ കോ​ട്ട​യ​ത്തു​നി​ന്നു​ള്ള നാ​യ്​ പി​ടി​ത്ത​സം​ഘം ഉ​ച്ച​ക്ക് ഒ​ന്നോ​ടെ ഇ​തി​നെ വ​ല​യെ​റി​ഞ്ഞ് പി​ടി​കൂ​ടു​ക​യാ​യി​രു​ന്നു. നാ​യ്​ പി​ടി​ത്ത വി​ദ​ഗ്ധ​രാ​യ കെ.​ടി. ജ​യ​കു​മാ​റും ഭാ​ര്യ ശ​ർ​മി​ള​യും ചേ​ർ​ന്നാ​ണ് ഇ​തി​നെ പി​ടി​കൂ​ടി​യ​ത്. തു​ട​ർ​ന്ന് ന​ഗ​ര​സ​ഭ ഓ​ഫി​സി​ൽ എ​ത്തി​ച്ച നാ​യെ പ്ര​ത്യേ​കം ത​യാ​റാ​ക്കി​യ കൂ​ട്ടി​ൽ 10 ദി​വ​സം നി​രീ​ക്ഷ​ണ​ത്തി​നാ​യി സൂ​ക്ഷി​ച്ചി​രി​ക്കു​ക​യാ​ണ്. പ​രി​ക്കേ​റ്റ​വ​രെ ജ​ന​റ​ൽ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. വി​വ​ര​മ​റി​ഞ്ഞ് ന​ഗ​ര​സ​ഭ ചെ​യ​ർ​മാ​ൻ പി.​പി. എ​ൽ​ദോ​സ്, ആ​രോ​ഗ്യ സ്ഥി​രം​സ​മി​തി അ​ധ്യ​ക്ഷ​ൻ പി.​എം. അ​ബ്ദു​ൽ സ​ലാം എ​ന്നി​വ​ർ ജ​ന​റ​ൽ ആ​ശു​പ​ത്രി​യി​ലെ​ത്തി. നാ​യു​ടെ ഉ​ട​മ​സ്ഥ​നെ​തി​രെ കേ​സെ​ടു​ക്കു​മെ​ന്ന് മു​നി​സി​പ്പ​ൽ ചെ​യ​ർ​മാ​ൻ പി.​പി. എ​ൽ​ദോ​സ് അ​റി​യി​ച്ചു. പ​ത്തു​വ​ർ​ഷം മു​മ്പ് സ​മാ​ന സം​ഭ​വം ന​ഗ​ര​ത്തി​ൽ ന​ട​ന്നി​രു​ന്നു. അ​ന്ന് 12 ഓ​ളം പേ​ർ​ക്കാ​ണ് ക​ടി​യേ​റ്റ​ത്.