കൊച്ചി: മസാല ബോണ്ട് കേസില്‍ ഇഡി സമന്‍സ് ചോദ്യം ചെയ്തുള്ള തോമസ് ഐസക്കിന്‍റെയും കിഫ്ബിയുടെയും ഹര്‍ജികള്‍ ഹൈക്കോടതി ഇന്ന് വീണ്ടും പരിഗണിക്കും. ജസ്റ്റീസ് ദേവന്‍ രാമചന്ദ്രനുപകരം ജസ്റ്റീസ് ടി.ആര്‍. രവിയുടെ ബെഞ്ചാണ് കേസ് പരിഗണിക്കുക.
ഹർജി നിലനിൽക്കേ രണ്ടാമതും സമൻസ് അയച്ച ഇഡി നടപടിയാണ് തോമസ് ഐസക് കോടതിയിൽ ചോദ്യം ചെയ്തത്. വിഷയത്തിൽ ഇഡിയോട് കോടതി വിശദീകരണം തേടിയിരുന്നു. കഴിഞ്ഞ ദിവസം കോടതി ഹർജി പരിഗണിച്ചുവെങ്കിലും വിശദീകരണം നൽകാൻ ഇഡി സാവകാശം തേടിയതിനെത്തുടർന്നാണ് ഇന്നത്തേക്ക് മാറ്റിവച്ചത്.
