ഭോപ്പാല്‍: മധ്യപ്രദേശിലെ ഭോപ്പാലില്‍ മലയാളി നഴ്‌സിനെ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തി. എറണാകുളം സ്വദേശി മായ ടി.എം ആണ് മരിച്ചത്. സംഭവത്തില്‍ മായയുടെ സുഹൃത്ത് ദീപക്കിനെ പോലീസ് കസ്റ്റഡിയിലെടുത്തിട്ടുണ്ട്.
വ്യാഴാഴ്ചയാണ് മായയെ മരിച്ച നിലയില്‍ ദീപക്ക് ആശുപത്രിയില്‍ എത്തിച്ചത്. കഴുത്തില്‍ പരുക്കേറ്റ ലക്ഷണങ്ങളുണ്ട്. ഇയാളുടെ ഫ്ലാറ്റില്‍വച്ചാണ് മരണം സംഭവിച്ചതെന്നാണ് നിഗമനം.സംഭവം കൊലപാതകമാണെന്നാണ് പോലീസ് സംശയിക്കുന്നത്. ദീപക്കിനെ പോലീസ് ചോദ്യം ചെയ്ത് വരികയാണ്. ഫ്ലാറ്റിലും പരിസരങ്ങളിലും പോലീസ് പരിശോധന നടത്തുന്നുണ്ട്.
