പെരിങ്ങോട്ടുകര: തെരഞ്ഞെടുപ്പ് പ്രചരണത്തിനായ കൊടികെട്ടുന്നതിനിടെ ബിജെപി പ്രവർത്തകൻ ശ്രീരംഗന്‍ (57) വീണുമരിച്ചു. തിങ്കളാഴ്ച രാത്രിയാണ് അപകടം.
നാട്ടിക മണ്ഡലത്തിൽ സുരേഷ് ഗോപിയുടെ പര്യടനം ആരംഭിക്കുന്നതിന് മുന്നോടിയായുള്ള അലങ്കാര പണികൾക്കിടെ ശ്രീരംഗന്‍ കോണിയിൽ നിന്നും വീഴുകയായിരുന്നു. ഉടൻ തൃശൂരിലെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. പോസ്റ്റ്‌മോര്‍ട്ടത്തിനു ശേഷം മൃതദേഹം ചൊവ്വാഴ്ച സംസ്‌കരിക്കും. ഭാര്യ: ജ്യോത്സന. മകള്‍: രാഖി.
