പാലക്കാട്: കൊട്ടേക്കാട് ജനവാസമേഖലയിലിറങ്ങിയ കാട്ടാനകളെ തുരത്തി വനംവകുപ്പ്. പടക്കം പൊട്ടിച്ചാണ് ആനകളെ റെയില്‍വേ ട്രാക്ക് കടത്തിയത്. വാളയാര്‍ അട്ടപ്പള്ളം മേഖലകളിലേക്ക് ആനകളെ തുരത്തിയെന്ന് വനംവകുപ്പ് അറിയിച്ചു.
കുറച്ച് ദിവസമായി കൊട്ടേക്കാട് ജനവാസമേഖലയോട് ചേര്‍ന്ന് നിലയുറപ്പിച്ചിരുന്ന പിടി 5, പിടി 14 എന്നീ ആനകളെയാണ് വനംവകുപ്പ് സംഘം കാട്ടിലേക്ക് തുരത്തിയത്. ഇവ അപകടകാരികളായ ആനകളാണെന്നും ഇതില്‍ ഒരാനയ്ക്ക് മദപ്പാടുണ്ടെന്നും വനംവകുപ്പ് അറിയിച്ചു.
