കോഴിക്കോട്: ഓടിക്കൊണ്ടിരിക്കുന്ന കാറിന് മുകളിലേക്ക് കാട്ടുപോത്ത് ചാടി. യാത്രക്കാർ അദ്ഭുതകരമായി രക്ഷപെട്ടു. പെരുവണ്ണാമൂഴി – ചെമ്പനോട റോഡിൽ പന്നിക്കോട്ടൂർവയൽ മേഖലയിൽ രാവിലെ ഏഴേകാലോടെയാണ് സംഭവം.
പേരാമ്പ്ര സ്വദേശിയായ അമ്മയും മകളും മറ്റൊരു സ്ത്രീയുമാണ് കാറിലുണ്ടായിരുന്നത്. മരുതോങ്കരയിലേക്കുള്ള യാത്രയ്ക്കിടെ കാറിന്‍റെ ബോണറ്റിനു മുകളിലേക്കാണ് കാട്ടുപോത്ത് വീണത്. ബോണറ്റ്, ലൈറ്റ് എന്നിവയുൾപ്പെടെ കാറിന്‍റെ മുൻവശവും ഇടതുഭാഗവും ആക്രമണത്തില്‍ തകര്‍ന്നിട്ടുണ്ട്.സംഭവം കണ്ട് എത്തിയ നാട്ടുകാര്‍ ഉടൻ തന്നെ വനം വകുപ്പിനെ വിവരമറിയിക്കുകയും ചെയ്തു.
