തിരുവനന്തപുരം: നെയ്യാറ്റിൻകരയിൽ കെഎസ്ആർടിസി ബസിടിച്ച് സ്കൂട്ടർ യാത്രിക മരിച്ചു. കൂവളശേരി സ്വദേശി ശ്രീജയാണ് മരിച്ചത്.നെയ്യാറ്റിൻകര ടൗണിലാണ് അപകടം നടന്നത്. ബസ് ശ്രീജയെ മറികടന്നുപോകുന്നതിനിടെ സ്കൂട്ടറിൽ തട്ടുകയായിരുന്നു. താഴെവീണ ശ്രീജയുടെ ശരീരത്തിലൂടെ ബസിന്‍റെ ഇടതുഭാഗത്തെ ചക്രങ്ങൾ കയറിയിറങ്ങി. സംഭവസ്ഥലത്ത് തന്നെ മരണം സംഭവിച്ചു.മൃതദേഹം ആശുപത്രിയിലേക്ക് മാറ്റി. പോസ്റ്റ്മോര്‍ട്ടത്തിന് ശേഷം ബന്ധുക്കൾക്ക് വിട്ടുകൊടുക്കും. സംഭവത്തിൽ സ്ഥലത്തെ സിസിടിവി ദൃശ്യങ്ങൾ കേന്ദ്രീകരിച്ച് പോലീസ് അന്വേഷണം നടത്തുന്നുണ്ട്.
