മലപ്പുറം: എടപ്പാൾ മേൽപ്പാലത്തിൽ കെഎസ്ആർടിസി ബസും പിക് അപ്പ് വാനും കൂട്ടിയിടിച്ചുണ്ടായ അപകടത്തിൽ ഒരാൾ മരിച്ചു. പിക് അപ്പ് വാൻ ഡ്രൈവർ പാലക്കാട് സ്വദേശി രാജേന്ദ്രൻ ആണ് മരിച്ചത്.ഇന്ന് പുലർച്ചെ നാലിനായിരുന്നു അപകടമുണ്ടായത്.കെഎസ്ആര്‍ടിസി ബസ് പിക് അപ് ജീപ്പിലേക്ക് ഇടിച്ചുകയറിയതോടെ പിക് അപ് വാൻ ഡ്രൈവര്‍ വാഹനത്തിനുള്ളില്‍ കുടുങ്ങി. പിന്നീട് മണിക്കൂറുകൾ നീണ്ട പരിശ്രമത്തിനിടയിലാണ് ഇയാളെ പുറത്തെടുത്തത്.
തൃശൂർ ഭാഗത്തു നിന്ന് എത്തിയ കെഎസ്ആര്‍ടിസി ബസും എതിർ ദിശയിൽ വന്ന പിക് അപ്പ് വാനും കൂട്ടിയിടിക്കുകയായിരുന്നു.അപകടത്തിൽ നാലുപേർക്ക് പരിക്കുണ്ട്. ഇവരുടെ ആരോഗ്യനില തൃപ്തികരമാണെന്നും ഗുരുതരമല്ലെന്നും പോലീസ് അറിയിച്ചു. കെഎസ്ആര്‍ടിസി സ്വിഫ്റ്റ് സൂപ്പര്‍ഫാസ്റ്റ് ബസാണ് അപകടത്തില്‍പെട്ടത്.
