കോട്ടയം: കളത്തിപ്പടിയില്‍ കെഎസ്ആര്‍ടിസി ബസ് ബൈക്കില്‍ ഇടിച്ചുണ്ടായ അപകടത്തില്‍ ഒരാള്‍ മരിച്ചു. ആലപ്പുഴ സ്വദേശി വിഷ്ണുവാണ് മരിച്ചത്.മൃതദേഹം കോട്ടയത്തെ സ്വകാര്യ ആശുപത്രി മോര്‍ച്ചറിയിലേക്ക് മാറ്റിയിട്ടുണ്ട്. കളത്തിപ്പടി ജംഗ്ഷനില്‍ പ്രവര്‍ത്തിക്കുന്ന ബാര്‍ബര്‍ ഷോപ്പില്‍ ജീവനക്കാരനാണ് വിഷ്ണു. ജോലി കഴിഞ്ഞ് ഇയാള്‍ വീട്ടിലേക്ക് മടങ്ങുമ്പോഴാണ് അപകടത്തില്‍പ്പെട്ടത്
കോട്ടയം-കുമളി റോഡില്‍ വെള്ളിയാഴ്ച വൈകിട്ട് ഒമ്പതിനാണ് സംഭവം. തിരുവല്ലയില്‍ നിന്ന് മധുരയിലേക്ക് പോയ കെഎസ്ആര്‍ടിസി സൂപ്പര്‍ ഫാസ്റ്റ് ബസ് ദിശത്തെറ്റി ബൈക്കില്‍ ഇടിച്ചാണ് അപകടമുണ്ടായത്. സംഭവസ്ഥലത്തുവച്ച് തന്നെ ഇയാള്‍ മരിച്ചെന്നാണ് വിവരം.
