പൂഞ്ഞാർ : എൻഡിഎ സ്ഥാനാർഥി അനിൽ അന്‍റണി പി.സി. ജോർജിനെ വീട്ടിലെത്തി സന്ദർശിച്ചു. ഇന്ന് വൈകിട്ടോടെയാണ് പി.സി. ജോര്ജിന്റെ വീട്ടില്‍ അനില്‍ ആന്‍റണിയെത്തിയത്. ജോർജിന് പത്തനംതിട്ട സീറ്റ് ലഭിക്കാത്തതുമായി ബന്ധപ്പെട്ട വിവാദം നിലനിൽക്കുന്നതിനിടെയാണ് അനിൽ ആന്‍റണിയുടെ സന്ദർശനം.വീട്ടിലെത്തിയ അനിലിനെ പി.സി. ജോർജ് മധുരം നൽകി സ്വീകരിച്ചു. അനിലിനോട് പിണക്കമില്ല. പത്തനംതിട്ടയിൽ അനിലിനായി പ്രചരണത്തിനെത്തും. താൻ മത്സരിക്കുമ്പോൾ ഉണ്ടാകുന്നത് പോലത്തെ പിന്തുണ അനിൽ ആന്‍റണിക്ക് സഭ നേതൃത്വങ്ങളിൽ നിന്ന് ലഭിക്കില്ല. അതിനായി താൻ പ്രവർത്തിക്കുമെന്ന് ജോർജ് പറഞ്ഞു. അതേസമയം പി.സി. ജോര്ജിന് അതൃപ്തിയെന്നത് മാധ്യമ സൃഷ്ടിയാണെന്ന് അനിൽ ആന്‍റണി പറഞ്ഞു.പി.സി. ജോർജിന്‍റെ ആശിർവാദത്തോടെ പ്രചരണം ആരംഭിക്കാൻ സാധിച്ചതിൽ സന്തോഷം. മുതിർന്ന നേതാവായ അദ്ദേഹത്തിന്‍റെ പിന്തുണ തനിക്കുണ്ടാകുമെന്ന് അനിൽ ആന്‍റെണി പറഞ്ഞു.ജോർജിന്‍റെ വിമർശനങ്ങളിൽ സംസ്ഥാന എൻഡിഎ നേതൃത്വത്തിന് അതൃപ്തിയുണ്ട്. ബിജെപി ദേശീയ നേതൃത്വത്തിന്‍റെ ഇടപെടലോടെയാണ് ജോർജ് അയഞ്ഞത്.ബി ജെ പി സംസ്ഥാന വൈസ് പ്രസിഡന്റ് ഡോ .പ്രമീളാദേവി .അഡ്വ .ഷോൺ ജോർജ് ഉൾപ്പെടെയുള്ളവർ ഒപ്പമുണ്ടായിരുന്നു .
