കൊച്ചി: പൂക്കോട് വെറ്ററിനറി സര്വകലാശാല വിദ്യാര്ഥി സിദ്ധാര്ഥന്റെ മരണത്തില് പ്രതികള് നല്കിയ ജാമ്യ ഹര്ജികള് ഹൈക്കോടതി ഇന്ന് വീണ്ടും പരിഗണിക്കും. കോളജ് യൂനിയന് ചെയര്മാന് അരുണ് ഉള്പ്പെടെ എട്ടുപേരാണ് ഹൈക്കോടതിയെ സമീപിച്ചത്.
കഴിഞ്ഞ തവണ ഹര്ജി പരിഗണിച്ചപ്പോള് കേസിലെ പ്രാഥമിക കുറ്റപത്രം ഹാജരാക്കാന് കോടതി സിബിഐയ്ക്ക് നിര്ദേശം നല്കിയിരുന്നു. സിദ്ധാര്ഥന് നേരിട്ടത് ക്രൂരമായ ആക്രമണമാണെന്നും പ്രതികള്ക്കെതിരെയുള്ള ആരോപണങ്ങള് ഗുരുതരമാണെന്നും സിബിഐ കോടതിയെ അറിയിച്ചിരുന്നു.ശരിയായ നടപടിക്രമങ്ങള് പാലിക്കാതെയാണ് കുറ്റപത്രം സമര്പ്പിച്ചതെന്നാണു ഹര്ജിക്കാരുടെ വാദം. 60 ദിവസമായി ജുഡീഷ്യല് കസ്റ്റഡിയില് തുടരുകയാണ്. ഇതിനാല് ജാമ്യം നല്കണമെന്നും ഇവര് ആവശ്യപ്പെടുന്നു.