സുൽത്താൻ ബത്തേരി: ഇലക്ഷൻ സ്പെഷൽ ഡ്രൈവിന്റെ ഭാഗമായി വയനാട് അസിസ്റ്റന്റ് എക്സൈസ് കമ്മീഷണർ ടി.എൻ. സുധീറിന്റെ നേതൃത്വത്തിൽ മുത്തങ്ങ എക്സൈസ് ചെക്ക്പോസ്റ്റിൽ നടത്തിയ പരിശോധനയിൽ മാരക മയക്കുമരുന്നായ മെത്താഫിറ്റമിനുമായി രണ്ടുപേർ പിടിയിൽ.
1.51 ഗ്രാം മെത്താഫിറ്റമിനുമായി ബംഗളൂർ സ്വദേശി സയ്യിദ് അഫ്രോസ് അലി (32) ഉം 0.021 ഗ്രാം മെത്താഫിറ്റമിനും ഒരു ഗ്രാം കഞ്ചാവും കൈവശം വച്ചതിന് അരീക്കോട് സ്വദേശി പി.ടി. ആസിഫ് എന്നയാളെയുമാണ് അറസ്റ്റ് ചെയ്തത്. എൻഡിപിഎസ് നിയമപ്രകാരം കേസെടുത്തു. പോലീസ് കെ9 ഡോഗ് സ്ക്വാഡും പരിശോധനയിൽ പങ്കെടുത്തു.