ന്യൂഡല്ഹി: കാമ്പസ് തെരഞ്ഞെടുപ്പുമായി ബന്ധപ്പെട്ട യോഗത്തിനിടെ ജെന്യു സര്വകലാശാലയില് സംഘര്ഷം. സംഭവത്തില് നിരവധി വിദ്യാര്ഥികള്ക്ക് പരിക്കേറ്റു. ഇവരെ ആശുപത്രിയിലേക്ക് മാറ്റിയിട്ടുണ്ട്.ആക്രമണത്തിന് പിന്നില് എബിവിപി ആണെന്ന് ആരോപിച്ച് ഇടത് സംഘടനകള് പോലീസില് പരാതി നല്കിയിട്ടുണ്ട്. എസ്എഫ്ഐ പ്രവര്ത്തകരാണ് പ്രശ്നമുണ്ടാക്കിയതെന്ന് ആരോപിച്ച് എബിവിപിയും പോലീസില് പരാതി നല്കി.വ്യാഴാഴ്ച അര്ധരാത്രിയോടെയാണ് സംഭവം. സ്കൂള് ഓഫ് ലാന്ഗ്വേജസിലെ ഇലക്ഷന് കമ്മിറ്റി അംഗങ്ങളുടെ തെരഞ്ഞെടുപ്പിന് പിന്നാലെ ചേര്ന്ന യോഗത്തിനിടെ സംഘര്ഷമുണ്ടാകുകയായിരുന്നു. വിദ്യാര്ഥികള് തമ്മില് ഏറ്റുമുട്ടുന്നതിന്റെ ദൃശ്യങ്ങള് പുറത്തുവന്നിട്ടുണ്ട്.