തളിപ്പറമ്പ്: എം.ഡി.എം.എയുമായി യുവാവിനെ പിടികൂടി. 0.630 ഗ്രാം എം.ഡി.എം.എയുമായി ഏരുവേശ്ശി പൂപ്പറമ്പിലെ മുഹമ്മദ് അൻഷാദിനെയാണ് (26) തളിപ്പറമ്പ് എസ്.ഐ റഫീഖ് പിടികൂടിയത്. എസ്.ഐക്ക് കിട്ടിയ രഹസ്യവിവരത്തെ തുടർന്ന് ചപ്പാരപ്പടവ് ഭാഗത്ത് നടത്തിയ പരിശോധനയിലാണ് ഇയാളെ പിടികൂടിയത്. തളിപ്പറമ്പ് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. എ.എസ്.ഐ രതീശൻ, ഗ്രേഡ് എസ്.ഐ ജിജിമോൻ, ഡ്രൈവർ വിനോദ് എന്നിവരും സംഘത്തിലുണ്ടായിരുന്നു.
