കൊച്ചി: സംസ്ഥാനത്ത് തുടര്‍ച്ചയായ അഞ്ചാം ദിനവും സ്വര്‍ണവില വര്‍ധിച്ചു. ഒമ്പത് ദിവസം കൊണ്ട് പവന് 2,280 രൂപയാണ് കൂടിയത്. സ്വര്‍ണം ഇന്ന് വീണ്ടും റിക്കാര്‍ഡ് വിലയില്‍ തൊട്ടു.ശനിയാഴ്ച ഒരു ഗ്രാമിന് 50 രൂപയാണ് വര്‍ധിച്ചത്. ഇതോടെ ഗ്രാമിന് 6,075 രൂപയായി. 400 രൂപ വര്‍ധിച്ച് ഒരുപവന്‍ സ്വര്‍ണത്തിന്‍റെ വിപണിവില 48,600 രൂപയില്‍ എത്തി.അന്താരാഷ്ട്ര വിപണിയിലും സ്വര്‍ണവില സര്‍വകാല റിക്കാര്‍ഡില്‍ മുന്നേറുകയാണ്. അമേരിക്ക എക്കാലത്തെയും വലിയ പണപ്പെരുപ്പത്തെ അഭിമുഖീകരിക്കുന്നതാണ് വിലവര്‍ധനവിന്‍റെ പ്രധാനകാരണം.
