ന്യൂഡല്ഹി: എസ്എന്സി ലാവലിന് കേസില് സുപ്രീം കോടതിയില് ഇന്ന് അന്തിമവാദം തുടങ്ങും. ജസ്റ്റീസ് സൂര്യകാന്ത്, ജസ്റ്റീസ് കെ.വി.വിശ്വനാഥന് എന്നിവരടങ്ങുന്ന ബെഞ്ചാണ് ഹര്ജി പരിഗണിക്കുക. 110 ആം നമ്പര് കേസായിട്ടാണ് ലിസ്റ്റ് ചെയ്തിരിക്കുന്നത്.
കഴിഞ്ഞദിവസം 113-ാം നമ്പര് കേസായി ലിസ്റ്റ് ചെയ്തിരുന്നെങ്കിലും പരിഗണിച്ചിരുന്നില്ല. കേസ് നമ്പര് 101 ന്റെ വാദം നീണ്ടുപോയതിനാലാണ് ലാവലിന് കേസ് പരിഗണനയ്ക്ക് എടുക്കാതിരുന്നത്. സുപ്രീംകോടതിയില് എട്ടാം വര്ഷത്തിലേക്ക് കടന്ന ലാവലിന്കേസ്, ഫെബ്രുവരി ആറിനാണ് അവസാനമായി പരിഗണിച്ചത്. കേസ് ഇതുവരെ 30 തവണ ലിസ്റ്റ് ചെയ്തിട്ടുണ്ട്.കേസില് മുഖ്യമന്ത്രി പിണറായി വിജയന്, ഊര്ജവകുപ്പ് മുന് സെക്രട്ടറി കെ. മോഹനചന്ദ്രന്, മുന് ജോയന്റ് സെക്രട്ടറി എ. ഫ്രാന്സിസ് എന്നിവരെ 2017-ല് ഹൈക്കോടതി കുറ്റവിമുക്തരാക്കിയതിനെതിരേ സിബിഐ നല്കിയ അപ്പീലും വിചാരണ നേരിടണമെന്ന് കോടതി വിധിച്ച വൈദ്യുതിബോര്ഡ് മുന് സാന്പത്തിക ഉപദേഷ്ടാവ് കെ.ജി. രാജശേഖരന് നായര്, ബോര്ഡ് മുന് ചെയര്മാന് ആര്. ശിവദാസന്, മുന് ചീഫ് എന്ജിനിയര് കസ്തൂരിരംഗ അയ്യര് എന്നിവരുടെ ഇളവ് തേടിയുള്ള ഹര്ജിയുമാണ് സുപ്രീം കോടതിയുടെ പരിഗണനയിലുള്ളത്.
കേസില് മുഖ്യമന്ത്രി പിണറായി വിജയന്, ഊര്ജവകുപ്പ് മുന് സെക്രട്ടറി കെ. മോഹനചന്ദ്രന്, മുന് ജോയന്റ് സെക്രട്ടറി എ. ഫ്രാന്സിസ് എന്നിവരെ 2017-ല് ഹൈക്കോടതി കുറ്റവിമുക്തരാക്കിയതിനെതിരേ സിബിഐ നല്കിയ അപ്പീലും വിചാരണ നേരിടണമെന്ന് കോടതി വിധിച്ച വൈദ്യുതിബോര്ഡ് മുന് സാന്പത്തിക ഉപദേഷ്ടാവ് കെ.ജി. രാജശേഖരന് നായര്, ബോര്ഡ് മുന് ചെയര്മാന് ആര്. ശിവദാസന്, മുന് ചീഫ് എന്ജിനിയര് കസ്തൂരിരംഗ അയ്യര് എന്നിവരുടെ ഇളവ് തേടിയുള്ള ഹര്ജിയുമാണ് സുപ്രീം കോടതിയുടെ പരിഗണനയിലുള്ളത്.
പന്നിയാര്, ചെങ്കുളം, പള്ളിവാസല് ജലവൈദ്യുത പദ്ധതികളുടെ നവീകരണത്തിന് കാനഡയിലെ എസ്എന്സി ലാവലിന് കമ്പനിയുമായി കരാറുണ്ടാക്കിയതില് ക്രമക്കേടുണ്ടായെന്നും ഇതുവഴി 86.25 കോടിയുടെ നഷ്ടം സര്ക്കാരിന് സംഭവിച്ചുവെന്നുമാണ് കേസ്.