ഇടുക്കി: കന്നിമല ലോവര് ഡിവിഷനില് നാലു ദിവസങ്ങള്ക്ക് മുന്പാണ് മൂന്ന് കടുവകള് ഇറങ്ങിയത്.കടുവകളുടെ ദൃശ്യങ്ങള് ലഭിച്ചിട്ടുണ്ട്. നാട്ടുകാരാണ് കടുവകളെ കണ്ടത്. ഇവിടെ കടുവകള് സ്ഥിരമായി ഇറങ്ങാറുണ്ടെന്നും പശുക്കളെ ആക്രമിച്ചിട്ടുണ്ടെന്നും പ്രദേശവാസികള് പരാതിപ്പെട്ടു.അതേസമയം, ഇവിടെ എത്തിയത് കടുവകളാണെന്ന് വനംവകുപ്പ് സ്ഥിരീകരിച്ചിട്ടില്ല. ഇതിന് കൂടുതല് പരിശോധനകള് വേണമെന്നാണ് വനംവകുപ്പിന്റെ നിലപാട്.