തിരുവനന്തപുരം: ഗവര്‍ണര്‍ക്ക് സംരക്ഷണം ഒരുക്കുന്നതില്‍ സംസ്ഥാന ആഭ്യന്തര വകുപ്പ് പരാജയപ്പെട്ടെന്ന് കേന്ദ്രമന്ത്രി വി.മുരളീധരന്‍. ഗവര്‍ണര്‍ ആരിഫ് മുഹമ്മദ് ഖാനെ മനസിലാക്കാന്‍ മുഖ്യമന്ത്രിക്ക് ഇതുവരെയും കഴിഞ്ഞിട്ടില്ല. അതുകൊണ്ടാണ് ഗവര്‍ണറെ വരുതിയിലാക്കാന്‍ ഇപ്പോഴും ശ്രമിക്കുന്നത്. ഗവര്‍ണറെ അപായപ്പെടുത്താന്‍ പോലീസ് സാഹചര്യമൊരുക്കുകയാണ്.ഗവര്‍ണര്‍ക്കെതിരേ പ്രതിഷേധിച്ചത് മുഖ്യമന്ത്രിയുടെ ഗുണ്ടകളാണെന്നും മുരളീധരന്‍ പറഞ്ഞുഇത്തരമൊരു സാഹചര്യമൊരുക്കിയത് മുഖ്യമന്ത്രിയും സംസ്ഥാന പോലിസുമാണെന്ന് ജനങ്ങള്‍ മനസിലാക്കണമെന്ന് ഗവര്‍ണര്‍ വിചാരിച്ചിട്ടുണ്ടെങ്കില്‍ അദ്ദേഹത്തെ കുറ്റപ്പെടുത്താന്‍ കഴിയില്ല.
