പത്തനംതിട്ട; കോന്നിയില് വീടിനുള്ളില് ഒരു മാസം പഴക്കമുള്ള മൃതദേഹം കണ്ടെത്തി. വെള്ളപ്പാറ സ്വദേശി ജയപ്രസാദ് ആണ് മരിച്ചത്.ഏറെക്കാലമായി ഭാര്യയും മക്കളുമായി അകന്നുകഴിയുകയായിരുന്നു ഇയാള്. ബന്ധുക്കള് നടത്തിയ തെരച്ചിലിലാണ് വെള്ളപ്പാറയിലെ വീട്ടില് തന്നെ മൃതദേഹം കണ്ടെത്തിയത്.
ജയപ്രസാദിനെ കാണാനില്ലെന്ന് കാട്ടി കഴിഞ്ഞ മാസം ഭാര്യ പോലീസില് പരാതി നല്കിയിരുന്നു. ഇതിന് പിന്നാലെ പോലീസ് അന്വേഷണം നടത്തിയെങ്കിലും ഇയാളെക്കുറിച്ച് വിവരമൊന്നും ലഭിച്ചിരുന്നില്ല.ടിബി അടക്കമുള്ള അസുഖങ്ങള് ഉണ്ടായിരുന്ന ആളാണ് മരിച്ച ജയപ്രസാദെന്ന് പോലീസ് അറിയിച്ചു. സംഭവത്തില് പോലീസ് അസ്വാഭാവിക മരണത്തിന് കേസെടുത്തിട്ടുണ്ട്.