തിരുവനന്തപുരം: റിട്ടയേർഡ് അധ്യാപകന്‍റെ മൃതദേഹം കായലിൽ കണ്ടെത്തി. തിരുവനന്തപുരം വർക്കല അകത്തുമുറിയിലാണ് സംഭവം. വെട്ടൂർ സ്വദേശി കരുണാകരൻ (84) ന്‍റെ മൃതദേഹമാണ് കണ്ടെത്തിയത്.രണ്ടു ദിവസമായി ഇദ്ദേഹത്തെകാണാനില്ലെന്ന് കാണിച്ച് ബന്ധുക്കൾ പോലീസിൽ പരാതി നൽകിയിരുന്നു. തുടർന്നാണ് കായലിൽ ഒഴുകിനടക്കുന്ന നിലയിൽ മൃതദേഹം കണ്ടെത്തിയത്.കായലിൽ കമിഴ്ന്നു കിടക്കുന്ന നിലയിലായിരുന്നു മൃതദേഹം. മൃതദേഹത്തിന് നാലു ദിവസത്തെ പഴക്കമുണ്ടെന്നാണ് നിഗമനം.
