മുണ്ടക്കയം: മുണ്ടക്കയം കൂട്ടിക്കൽ വെട്ടിക്കാനം എൽ പി സ്കൂളിൽ നിന്നും കാണാതായ നാലാം ക്ലാസ് വിദ്യാർഥികളായ രണ്ട് കുട്ടികളെ കണ്ടെത്തി .സ്കൂളിന്റെ പിൻവശത്തെ തോട്ടത്തിൽ നിന്നുമാണ് കുട്ടികളെ കണ്ടെത്തിയത്. സ്കൂൾ അധികൃതരുടെയും നാട്ടുകാരുടെയും പോലീസിന്റെയും നേതൃത്വത്തിലായിരുന്നു തിരച്ചിൽ നടന്നത്. ഏന്തയാർ കപ്പിലാമൂട് സ്വദേശി സാൻജോ, കൊക്കയാർ കുറ്റിപ്ലാങ്ങോട് സ്വദേശി അമൃത് എന്നീ വിദ്യാർത്ഥികളെയാണ് കാണാതായത്. ഉച്ചകഴിഞ്ഞാണ് സംഭവം. സ്കൂൾ വിട്ട ശേഷം കുട്ടികൾ ബസിൽ കയറിപ്പോയിരുന്നു. പിന്നീട് ബസിൽ നിന്നും കുട്ടികൾ ഇറങ്ങിയതായി ബസ് ജീവനക്കാരും സ്ഥിരീകരിക്കുന്നുണ്ട്.