കൊച്ചി: മുംബൈയില്‍ നിന്ന് തിരുവനന്തപുരത്തേക്കുള്ള നേത്രാവതി എക്സ്പ്രസ് ട്രെയിനിന്‍റെ പാന്‍ട്രി കാറിന് താഴെ തീപിടിച്ചു. ആലുവ റെയില്‍വേ സ്റ്റേഷനിലേക്ക് എത്തിയപ്പോഴാണ് തീപിടിത്തമുണ്ടായത്.ട്രെയിനിന്‍റെ ബ്രേക്ക് ജാമായതാണ് വീലിന്‍റെ ഭാഗത്ത് തീപിടിത്തമുണ്ടാകാന്‍ കാരണമെന്നാണ് പ്രാഥമിക നിഗമനം. ആര്‍പിഎഫും പാന്‍ട്രി ജീവനക്കാരും ഉടനടി തീയണച്ചു.സംഭവത്തെ തുടര്‍ന്ന് റെയില്‍വേ അധികൃതര്‍ പരിശോധനകള്‍ നടത്തി. അരമണിക്കൂറോളം പിടിച്ചിട്ടശേഷമാണ് ട്രെയിന്‍ പുറപ്പെട്ടത്.
