ഇടുക്കി: വണ്ടിപ്പെരിയാറില്‍ ഛര്‍ദിയെതുടര്‍ന്ന് ആശുപത്രിയിലെത്തിച്ച അഞ്ച് വയസുകാരി മരിച്ചു. വണ്ടിപ്പെരിയാര്‍ സ്വദേശി ഷിജോയുടെ മകള്‍ ആര്യയാണ് മരിച്ചത്.ചൊവ്വാഴ്ച വൈകിട്ടാണ് സംഭവം. ഛര്‍ദിയെതുടര്‍ന്നാണ് കുട്ടിയെ വള്ളക്കടവിലുള്ള സ്വകാര്യ ആശുപത്രിയില്‍ എത്തിച്ചത്. ഇവിടെനിന്ന് ചികിത്സ നല്‍കി വീട്ടിലേക്ക് പറഞ്ഞയച്ചിരുന്നു.
രാത്രി വീണ്ടും ഛര്‍ദി ഉണ്ടായതോടെ കുട്ടിയെ വീണ്ടും ഇതേ ആശുപത്രിയില്‍ എത്തിച്ചെങ്കിലും വിദഗ്ധ ചികിത്സയ്ക്കായി മറ്റൊരു ആശുപത്രിയിലേക്ക് റഫര്‍ ചെയ്യുകയായിരുന്നു. പിന്നാലെ മറ്റൊരു സ്വകാര്യ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ലമൃതദേഹം പീരുമേട് താലൂക്ക് ആശുപത്രിയില്‍ സൂക്ഷിച്ചിരിക്കുകയാണ്. പോസ്റ്റ്‌മോര്‍ട്ടത്തിന് ശേഷമേ മരണകാരണം വ്യക്തമാകൂ.
