തൃശൂര്: മലക്കപ്പാറ അടിച്ചില്ത്തൊട്ടി ആദിവാസി ഊരില് കാട്ടാന ആക്രമണം. മലക്കപ്പാറ സ്വദേശി തമ്പാന് ഗുരുതരമായി പരിക്കേറ്റു.രാവിലെ പത്തോടെയാണ് സംഭവം. ആദിവാസി ഊരില്നിന്ന് പുറത്ത് കടയിലേക്ക് പോകുന്നതിനിടെ കാട്ടാന ആക്രമിക്കുകയായിരുന്നു.തുമ്പിക്കൈകൊണ്ടുള്ള അടിയേറ്റ് ഇയാളുടെ നെഞ്ചിനും കാലിനുമാണ് പരിക്കേറ്റത്. ഇയാളെ ചാലക്കുടിയിലെ താലൂക്ക് ആശുപത്രിയിലേക്ക് കൊണ്ടുപോയി.
