ന്യൂഡല്ഹി: ഡല്ഹി ഇന്ദിരാഗാന്ധി അന്താരാഷ്ട്ര വിമാനത്താവളത്തില് വിമാനസര്വീസുകള്ക്ക് ഭാഗിക നിയന്ത്രണം ഏര്പ്പെടുത്തുന്നു. റിപ്പബ്ലിക് ദിനാഘോഷത്തിന്റെ പശ്ചാത്തലത്തിലാണ് നിയന്ത്രണം.ജനുവരി 19 മുതല് 26 വരെ രാവിലെ 10.20 മുതല് ഉച്ചയ്ക്ക് 12.45 വരെ വിമാനങ്ങള് ലാന്ഡ് ചെയ്യാനോ ടേക്ക് ഓഫ് ചെയ്യാനോ അനുമതിയില്ല. ഡല്ഹി അന്താരാഷ്ട്ര വിമാനത്താവളം എക്സിലൂടെയാണ് ഇക്കാര്യം അറിയിച്ചത്.